நித்யாநந்தா மஹாசமாதி தினம் - இன்று

1961ம் வருஷம்..,

ஆகஸ்ட் 8ம்தேதி..இதேநாள்

காலை 10.30 மணி..,

பகவான் நித்யாநந்தா மஹாசமாதி ஆன தினம்,

இந்த நாள்ல நாம எல்லாரும் அவருபத்தி நினைக்கணும்ங்கற ஒரே நோக்கத்துக்காகதான், இத்தனநாளா அவருடனான அனுபவங்கள தொடரா எழுதிட்டு வந்தோம்.

எந்த நோயா இருந்தாலும் அத தீர்த்துவைக்கறதுல வல்லவருங்க இவரு.

இன்னைக்கு காலை 10.30மணிக்கு..,

உலகத்தின் எந்த மூலையில இருந்தாலும் பகவான் நித்யாநந்தாவ நினச்சு பிரார்த்தனை செஞ்சுக்கோங்க..உங்களோட உடல்நலம் சார்ந்த பிரச்னைகளுக்கு உடனே ஒரு தீர்வு கிடைக்கும்..நோய் தீரும்..வேற எந்த பிரச்னையாக இருந்தாலும்..அது எல்லாமே  அவரோட அருளாசியினால சட்டுனு இருந்த இடம் தெரியாமல் மறைஞ்சிபோகும்.

சென்னையில இருக்குறவங்க இன்னைக்கு காலையில ஹீலர் லதா கபாலீஸ்வரன் அவங்களோட வீட்ல நடக்குற பூஜையில கலந்துக்கலாம்.

காலைல இருந்தே பகவானோட விக்ரகத்துக்கு மலர் அலங்காரமெல்லாம் செய்யப்படும். ஆனா, அபிஷேகம் மிகச்சரியா காலை 10.30 மணிக்குதான் தொடங்க உள்ளது.முடிஞ்சவங்க வாங்க.

அதே மாதிரி இன்னைக்கு பகவானோட மஹாசமாதி தினத்த முன்னிட்டு சாயந்திரம் 5.30மணியில இருந்து இரவு 8.30 மணி வரைக்கும் திநகர் தியாகராய ஹால்ல  இலவச தியான முகாம் ஏற்பாடு செய்யப்பட்டிருக்கு. அனுமதி இலவசம்..இதுலயும் அவசியம் கலந்துக்கோங்க..ஏன்னா..இது ரொம்பவே பவர்புல்லான ஒரு விஷயம்.

மாஸ் ஹீலிங், கிரிஸ்டல் ஹோமம் இதெல்லாம் உங்களுக்கும் உங்களுடைய பிரார்த்தனைகளுக்கும் அளப்பறிய சக்திய கொடுக்கும்.
இதுமட்டும் இன்னைக்கு போதுமா..?

பகவான் நித்யாநந்தாவப் பத்தி இவ்வளவு பேசின நாம அவரையும்,அவரு சமாதியான இடத்தையும் தரிசனம் செய்யாம இருந்தா அது அவ்வளவு முழுமையடைஞ்சதா இருக்காது.

குருக்களோட சமாதியில அவங்களோட வைப்ரேஷன நிச்சயமா உணரமுடியும்.

அதனால..பகவான் நித்யாநந்தாவோட கணேஷ்புரி ஆசிரத்துல எடுக்கப்பட்ட சில வீடியோக்களையும் பாருங்க..

பகவான் நித்யாநந்தா உயிருடன் இருக்கும்போது எடுக்கப்பட்டவை உள்பட மிகவும் அரிதான 9 வீடியோபதிவுகள்

'..மகாலட்சுமியோட ரூபம்ங்க அவரு..' இப்படித்தான் லதா சொல்றதா இந்தப்பதிவ ஆரம்பிச்சோம். சரியா இந்த இடத்துக்கு வந்து சேர்ந்திருக்கோம். திரும்பவும் எல்லாருக்கும் எல்லா செல்வங்களையும் தர்ற அதே வார்த்தையோட இந்த தொடர்பதிவ முடிக்கலாம்னு நினைக்கிறேன்.,

'..மகாலட்சுமியோட ரூபம்ங்க அவரு..'

குருவேசரணம்..!

'முற்பிறவியில் நான்…' - நித்யாநந்தாவும், அதிசய சுடுநீரூற்றும்..!

பகவான் நித்யாநந்தா..!

இவரச்சுத்தி, சாமனியர்களால அவ்வளவு எளிதா நம்பமுடியாத, நிறைய அதிசயங்களும்,ஆச்சரியங்களுமான சம்பவங்கள் ஏராளமா நிரம்பி வழியுது.
முதல்ல இவரோட பிறப்பு..,

பகவான் நித்யாநந்தா

கேரளாவுல குயிலாண்டி(Quilandy) அப்படிங்கற ஒரு பகுதியில் இருக்குற காட்டுக்குள்ள விறகு பொறுக்க ஒரு அம்மா போயிருக்காங்க. அப்போ..கொஞ்சதூரத்துல ஒரு இடத்துல காகங்கள் உட்கார்ந்து ரொம்ப நேரமா கத்திகிட்டே இருந்திருக்கு. ஏன் இப்படி கத்துதுங்கன்னு கிட்டபோய் பாத்திருக்காங்க.

குயிலாண்டி காட்டுக்குள்(Quilandy)நித்யாநந்தா குழந்தையாக கண்டெடுக்கப்பட்ட இடம்

அங்க ஒரு  முந்திரி மரத்துக்குக் கீழே ஒரு அழகான குழந்தை இருந்துருக்கு. காகாங்களால அடையாளம் காட்டப்பட்ட அந்த குழந்தைய தூக்கிட்டு வந்தாங்க அந்த அம்மா. அவங்களுக்கு ஏற்கனவே, நிறைய குழந்தைங்க இருந்ததால, காட்டுல கிடைச்ச குழந்தைய தான் வேலை செய்த வக்கீல் வீட்டுல கொடுத்து வளத்திருக்காங்க.

வக்கீல், இந்த குழந்தைக்கு ராமான்னு பெயர் வச்சு வளர்த்து வந்திருக்காரு. குழந்தைக்கு 6 வயசு இருக்கும்போது காட்டுல இருந்து தூக்கிட்டு வந்த அந்த அம்மாவும்,அப்பாவும் இறந்துபோயிட்டாங்க. 

அதுக்கப்புறமா ராமுவ வக்கீலே தன் வீட்லயே நிரந்தரமா வச்சுக்கிட்டாரு. இந்த குழந்தையோட ஜாதகத்த பார்த்தவங்க நிச்சயம் இந்த குழந்தை ஒரு அவதாரபுருஷன்னு வக்கீல்கிட்ட சொல்லியிருக்காங்க.அதுக்குத் தகுந்த மாதிரி ராமுவ அந்த சின்னவயசிலயே உடுப்பிக்கு ஆன்மீக சுற்றுலாவுக்கு கூட்டிட்டு போயிருக்காரு வக்கீல்.

அங்க பல அதிசயமான தகவல்கள எல்லாம் சொல்லி வக்கீல பிரமிக்க வச்சிருக்காரு இந்த அவதாரச் சிறுவன் ராமு.

உடுப்பியில பெரும்பாலானவங்களுக்கு பிரபலமான கிருஷ்ணன் கோயில் தெரிஞ்சிருக்கும். ஆனா, அதே உடுப்பியில ரொம்பவே பழமையான ஆனந்தேஸ்வரா கோயில் ஒன்றும் இருக்கிறது. இது ஏறக்குறைய 12ம் நூற்றாண்டுல கட்டப்பட்ட கோயில்.

உடுப்பி ஆனந்தேஸ்வரா கோயில்

இந்தக் கோயில பார்த்ததுமே சிறுவன் ராமு, “…இந்தக் கோயில்முற்பிறவியில என்னோட மேற்பார்வையிலதான் கட்டப்பட்டது..”ன்னு சொல்ல வக்கீலுக்கு ஒன்னுமே புரியல.

உடுப்பி ஆனந்தேஸ்வரா கோயில்(வெளித்தோற்றம்)

ஏன்னா…இந்தக் கோயில்ல ஒரு பெற்றோர் 12 வருஷம் பிள்ளைவரம் கேட்டு பிரார்த்தனை செஞ்சபிறகு பிறந்தவர்தான்…. ஸ்ரீமத்துவாச்சாரியார்.

ஸ்ரீமத்துவாச்சாரியார்

அவர் வாழ்ந்த காலகட்டம் 12ம்நூற்றாண்டு.அதே மாதிரி  அவரோட 79வது வயசுல இந்தக் கோயில்ல இருந்தபடியே ஒரு உபநிஷத்துக்கு உரை சொல்லிட்டு இருக்கும்போது அவர்மேல பூமழை பொழிய, அப்படியே உடலோட அவர் மறைந்துபோனதாகவும், இன்னைக்கும் இந்தக் கோயில்ல அவர் மறைந்த இடத்த புனிதாமா கருதி வணங்கிட்டு இருக்காங்க.

அப்ப ஸ்ரீமத்துவாச்சாரியாருக்கும் அவதாரமாக வந்திருக்கும் இந்த சிறுவனுக்கும் என்ன தொடர்பு..?

அதுக்கு தகுந்த மாதிரி சின்னவயசில இருந்தே ராமுவோட நடவடிக்கைகள் ஆன்மதரிசனம் பெற்ற ஒரு மகானப்போலவே இருந்திருக்கு.

10வயசா இருக்கும்போது வக்கீல் இவர காசிக்கு அழைச்சிட்டு போயிருக்காரு.அங்க எல்லா இடத்தையும் பாத்துட்டு ஊருக்கு திரும்பலாம்னு புறப்பட்டப்போ, சிறுவன் ராமு வரமாட்டேன்னு சொல்லிட்டாராம்.

10வயசு சிறுவனை எப்படி காசியில் விட்டுட்டு வர்றதுன்னு வக்கீலுக்கு தயக்கம் இருந்தாலும், அவர் அவதாரம்னு உண்ரந்திருந்ததால அதுக்கு வக்கீல் ஒத்துக்கிட்டாராம். அதுமட்டுமில்ல..உங்களுக்கு என்ன பாக்கனும்னு நீங்க நினைக்கும்போது நான் அங்க உங்க முன்னாடி வருவேன்னு வாக்கும் கொடுத்தாராம்.

அதேமாதிரி,ஊருக்கு வந்து சில வருஷங்களுக்குப் பிறகு, உடல்நலமில்லாம படுத்துட்டாராம் வக்கீல்.தன்னோட கடைசிகாலம் நெருங்கிட்டத உணர்ந்து பையன பாக்கணுமேன்னு அவருக்கு தோணியிருக்கு. அடுத்த விநாடி..அங்கே..அந்த அவதாரச்சிறுவன் ராமு கண்முன்னே வந்து காட்சி தந்திருக்கிறார்.

"..உன்ன மனசால நினைச்ச உடனே நேர்ல வந்து காட்சி கொடுத்து சந்தோஷத்த கொடுத்ததால..நீ எப்பவுமே..நித்யானந்தா..நித்யானந்தா..!"-ன்னு ஆனந்தத்துல கூத்தாடியிருக்காரு வக்கீல்.

ஆசிரமத்தில் பகவான் நித்யாநந்தா

நித்யானந்தம் என்றால் எப்போழுதும் நிலைத்திருக்கும் ஆனந்தம் என்பது அர்த்தம்..அதைத்தான் அவர் சொல்ல..அதுவே அவருக்கு பெயராகவும் மாறியது. அப்போது அவருக்கு வயது 20.

கேரளா காஞ்சன்காடுல கொஞ்சநாள் ஆசிரமம் வச்சி நிறையபேருக்கு ஆன்மபோதனைகளை செஞ்சிருக்காரு நித்யானந்தா. நிறையபேரோட நோய்களையும் தீர்த்து வச்சிருக்காரு.

ஹிமாலயாஸ் உள்பட இந்தியாவோட பலபகுதிகள்ல சுத்தி திரிஞ்சவரு ஒருகட்டத்துல மிகவும் சக்திவாய்ஞ்ச ஒரு இடத்துல உட்கார்ந்துட்டாரு. அதுதான் கணேஷ்புரி. 

மகாராஷ்டிரா மாநிலத்துல மும்பையில இருந்து ஒரு 2 மணி நேர பயணத்துல இந்த இடம் இருக்கு. இங்க ஒரு புராதானமான சிவன் கோயிலுக்குப் பக்கத்துல தன்னோட ஆசிரமத்த அமைச்சிக்கிட்டு பலருக்கும் ஆசி வழங்கிட்டு இருந்தாரு நித்யாநந்தா.

கணேஷ்புரியில இருக்குற இன்னொரு சிறப்பு  சுடுநீரூற்று.

கணேஷ்புரி பகவான் ஆசிரமத்தில் இருக்கும் சுடுநீருற்று

எப்படிப்பட்ட நோயோட வர்றவங்களையும் இதுல குளிக்கச்சொல்லுவாராம்.அதோட நோயோட பாதிப்பு அவங்கள விட்டு பரிபூரணமா விலகிடும்.

அதனாலயே நிறையபேர் கணேஷ்புரிக்கு பகவான் நித்யாந்தாவத் தேடி வந்தபடியே இருந்தாங்க.

1961ம் வருஷம்,

தான் அடுத்தநாளே இந்த உடல விட்டுடப் போறதா முன்கூட்டியே தன்னோட பக்தர்களுக்கு அறிவிச்சாரு..பகவான் நித்யாநந்தா.

ஆகஸ்ட8ம் தேதி,

காலை 10.30மணி..

அந்த சின்ன உடலுக்குள்ள குடியிருந்த ஆன்மா..உடலவிட்டு வெளியேறி… தன்னோட எல்லைகள விரிவாக்கிக்கொண்டது….

இப்போதும் பகவான் நித்யாநந்தா இந்த உலகெங்கும் பரவியிருக்கிறார்…

சூக்கும ரூபமாக..

நாம் நினைத்தபோது வந்து உதவத் தயாராக இருக்கிறார்..

நாளை ஆகஸ்ட் 8ம்தேதி..காலை 10.30மணிக்கு..,

அவர் இந்த பிரபஞ்சவெளியில் கலந்ததை நினைவு கூறுவோம்..

நமது ஆன்மாவுக்கும் அவர் ஒளியாக இருந்து வழிகாட்டுவார்…

குருவே சரணம்…!

அற்புதங்களை நிகழ்த்திய நித்யாநந்தா!– ஒரு பக்தையின் அனுபவம்

இந்தப் பதிவுல தொடர்ந்து நீங்களும் என்னோட பயணிக்கிறதுல ரொம்பவே மகிழ்ச்சி.

வாங்க..பகவான் நித்யாநந்தா நிகழ்த்திய அந்த அற்புதங்களப் பார்ப்போம்.

அதுக்கு முன்னால..,புதுசா இந்தப்பதிவுக்கு வந்தவங்களுக்காக

ஒரு சின்ன RECAP

பதிவோட ஆரம்பம் முதல் பகுதி, இரண்டாம் பகுதி, மூன்றாம் பகுதி..இது மூன்றையும் படிச்சிடுங்க…அடுத்ததா இதோ…லதா கபாலீஸ்வரன் தனது அனுபவங்களைச் சொல்றாங்க..,

“…என்னோட ஹீலிங் குரு என்னோட வீட்டுக்கு வந்துட்டுபோகும்போது, பாபாவோட படத்த எங்க வீட்லய விட்டுட்டு போயிட்டாருன்னு சொல்லியிருந்தேன் இல்லையா..அவரு வீட்டுக்கு போனதும் எனக்கு போன் பண்ணாரு. எப்படி மறந்தேன்னு தெரியல..அந்தபடத்த எடுத்துட்டு வந்துடுன்னாரு.

நாம கேட்டமாதிரியே பாபா நம்மோட வீட்லயே தங்கிட்டாரேன்னு எனக்கு ஒரே சந்தோஷம். 

Bhagavan Nityananda

அவரு(ஹீலிங்குரு) புறப்படும்போது,அதுவரைக்கும் தன்னோட கையிலயே படத்த வச்சிகிட்டு இருந்தவரு, வாசல்ல நாங்க பேச ஆரம்பிச்சதும், பக்கத்துல இருக்குற சேர்ல படத்த வச்சிருக்காரு.அப்புறம் புறப்படும்போது அத மறந்துட்டு போயிட்டாருன்னு தான் என்னை நானே சமாதானபடுத்திகிட்டேன்.

பாபாவோட அற்புதங்கள பாக்குறவரைக்கும் அப்படித்தான் நினைச்சுகிட்டு இருந்தேன். ஆனா, பாபா சாதாரண ஆள் கிடையாதுங்க..தன்னோட பக்தர்கள்கிட்ட எப்பவும் எதாவது ஒரு விளையாட்ட விளையாடி பாத்துகிட்டே இருப்பாரு.

சரின்னு..நான் பாபாவோட படத்த எடுத்துகிட்டு ஒரு ஆட்டோவுல ஏறி என்னோட ஹீலிங் குருவோட வீட்டுக்கு புறப்பட்டு போனேன்.
பாபாவ என்னோட மடியில, அதுவும் அவரோட தொப்பையில என்னோட கை இருக்கற மாதிரி வச்சு கட்டி புடிச்சிகிட்டே ஆட்டோவுல போயிட்டிருக்கேன்.
அப்பதான் அந்த ஆச்சரியமான அனுபவம் எனக்கு கிடைச்சது.

நம்ம மடியில ஒரு குழந்தைய வச்சிட்டு இருந்தா, அதோட உடம்புல இருந்து இதயத்துடிப்ப எப்படி நாம உணருவோம்…அதே மாதிரி..பாபாவோட படத்துல இருந்து எனக்கு அப்படி ஒரு பல்பிடேஷன்(இதயத்துடிப்பு) தெரிஞ்சது.அதநான் நல்லா உணர்ந்தேன்.

உடம்பெல்லாம் சிலுத்துபோச்சு..அப்படியே கண்ல இருந்து கண்ணீர்..எனக்கு என்ன பண்றதுன்னே தெரியல..இதோ என்னோட மடியில..அதுவும் என்னோட பிடிக்குள்ளே..பாபா இருக்கார்..அதுவும் உயிர்துடிப்போட இருக்கார்.

நான் அவர கட்டிபிடிச்சுட்டு இருக்கேன்..அப்படியே சத்தம்போட்டு கதறி அழலாம்போல ஒரே மகிழ்ச்சி ஆராவாரம்..அந்த உணர்வு..எப்படிப்பட்டதுன்னு இப்ப உங்களுக்கு விவரிக்கும்போது கூட என்னால அழுகைய கட்டுப்படுத்த முடியல…

(கண்களில் நீர்கோர்க்க..பேச தடுமாறுகிறார்…அவரையும் மீறி அழுகை வருகிறது..)

அப்படியே போய் பாபாவ என்னோட ஹீலிங் குருகிட்ட ஒப்படைச்சிட்டு எனக்கு தயவுசெய்து இந்த பாபாவ கொடுங்கன்னு கேட்டேன்.
அவரும் தன்கிட்ட இருந்த இன்னொரு பாபா படத்த எடுத்து என்கிட்ட கொடுத்தாரு.

"..கடைசியா..இன்னும் ஒரேயொரு படம்தான் இருக்கு..ஆனா..அது கொஞ்சம் டேமேஜ் ஆகி இருக்கு.."

"..கொடுங்க..கொடுங்க..பாபா..பாபா..எத்தன பாபா இருந்தாலும் கொடுங்க.."இது நான்.

அந்த ரெண்டு படத்தையும் வாங்கின நொடி என் வாழ்நாள்ல நான் மறக்கமுடியாத முக்கியமான தருணம்.

ஒரு படத்த என்னோட அலுவலக அறையிலயும், இன்னொன்ன வீட்டு ஹால்லயும் மாட்டி வச்சிருக்கேன். அத வெறும் படமா என்னால பாக்க முடியாதுங்க..அவரு என்கிட்ட பேசிகிட்டே இருக்காரு.அப்பப்போ சில சைகைகள செய்வாரு.

(பகவான் நித்யாநந்தா நடத்தின  அற்புதங்கள ஒரு பெரிய பட்டியலா வரிசையா சொல்லிட்டே இருந்தாங்க.அதை பிறகு ஒரு சந்தர்ப்பத்துல தனிப்பதிவாக பார்ப்போம்)

அவர் எங்கிட்ட வந்த நாள்..எனக்கு மகாலட்சுமியோட அருள் பரிபூரணமா கிடைச்சிருச்சு.

அதுவரைக்கும் 360 டிகிரியில என்ன சுத்தி பிரச்னைகள்..ஆனா,பாபா வந்ததும் எல்லாமே காணாம போச்சு..நிறைய அற்புதங்கள்..அதுக்கப்புறமாதான் என்னத்தேடி பிரச்னைகளோட வர்றவங்களுக்கு ஜோதிடம்,ஹீலிங்ன்னு செய்யத்தொடங்கினேன்.ஆனா, இது எல்லாமே பாபா மூலமாத்தான் நடக்குது.

இங்க யார் வந்தாலுமே..நான் உடனே, அவரபாத்து பாபா..இவங்களோட பிரச்னைய நீங்கதான் தீர்க்கணும்னு சொல்லுவேன்.உடனே…ஓகே.. அவ்வளவுதான்..பாபாதான் எல்லாரோட பிரச்னையையும் தீர்க்கிறார். என்னுடைய வேலைன்னு எதுவுமே கிடையாது.

அதனாலதான் இப்போவெல்லாம் வருஷத்துக்கு ஒருமுறை அவரோட மஹாசமாதி நாளான ஆகஸ்ட் 8ம் தேதி அன்னைக்கு மட்டும் இலவச தியான முகாம் நடத்துறோம்.

அதுல மாஸ் ஹீலிங்,கிரிஸ்டல் ஹோமம் நடக்கும். நோய்நொடியெல்லாம் தீரும்.உங்களோட விருப்பங்கள எழுதி கிரிஸ்டல் ஹோமத்துல வச்சா நீங்க நினைச்சது நடக்கும்…அனுமதி இலவசம்..

சென்னை திநகர்ல இருக்குற தியாகராய ஹால்லதான் இந்த தியான முகாம் நடக்கப்போகுது. அதனால நாளை மறுநாள்(ஆகஸ்ட்8ம்தேதி) சாயந்திரம் 5 .30 மணியிலயிருந்து 8.30 மணிவரைக்கும் நடக்கிற இந்த முகாம்ல வந்து இந்தப்பதிவ படிக்குற எல்லாரும் வந்து கலந்துக்கோங்க..”

இப்படி எல்லாம் சொல்லி முடிச்ச லதா கபாலீஸ்வரன்,

"..உங்களுக்கு நான் அவரோட படங்கள் சிலதை காட்றேன்..”னு சொல்லிட்டு
தன்னோட ரூம்ல இருந்து அவரோட போட்டோக்கள எடுத்துட்டு வரச்சொன்னாங்க.

"..அதுல ஒரு போட்டோவுல கூலிங்கிளாஸ் எல்லாம் போட்டுட்டு பாபா சும்மா ஜம்முன்னு போஸ் கொடுத்திருப்பாரு அத நான் உங்களுக்கு காட்றேன்..”னு சொல்லிட்டு இருக்கும்போதே..ஏராளமான போட்டோக்கள் இருந்த ஒரு கவர் வந்தது.

அந்த கவருக்குள் இருந்து எடுத்த முதல் படமே..கூலிங்கிளாஸ் போட்ட பகவன்  நித்யாநந்தாவோட படம்தான்..!

Bhagavan Nityananda

யார் இந்த ஞானி..?

-“..400 வருஷங்களுக்கு முந்தைய என்னுடைய முற்பிறவியில நான்தான் இந்தக்கோயிலை என்னுடைய நேரடி மேற்பார்வையில கட்டினேன்..”

-பகவான் நித்யாநந்தாவின் மஹாசமாதியின் அரிய வீடியோப்பதிவுகள்..!

-என பல ஆச்சரியங்கள் தொடரும்..நாளை வரை காத்திருங்கள்..!

சென்னை TO திருமலை திருப்பதி - தானே புயலில் ஒரு பாதயாத்திரை

தமிழ்நாட்டுல நிறைய ஊர்கள்ல இருந்து பாதயாத்திரையா திருமலை திருப்பதிக்கு நடந்தே போய் பெருமாள தரிசனம் செய்யற குழுக்கள் நிறைய இருக்காங்க. நீங்க பஸ்ல போகும்போது ரோட்டுல கும்பல்,கும்பலா மஞ்சள் வேட்டி,துண்டோட குழுக்களா சிலர் நடந்து போயிட்டு இருக்கறத பார்த்திருக்கலாம். அவங்க எல்லாம் இப்படி பாதயாத்திரையா திருமலை திருப்பதிக்கு போறவங்கதான்.

ஓம் நமோ வேங்கடேசாய..!

சென்னையில் மட்டுமே இப்படி திருமலை திருப்பதிக்கு பாதயாத்திரையா வருஷாவருஷம் போயிட்டுவரும் குழுக்கள் ஒவ்வொரு பகுதிவாரிய இருக்காங்க.

திருமலை திருப்பதி பாதயாத்திரை ரொம்பவே அற்புதமான அனுபவத்த தரக்கூடிய ஒரு பயண அனுபவம்.

இப்படி ஒரு அனுபவத்துக்காக எனக்குள்ளும் ஒரு தவிப்பு இருந்துட்டே தான் இருக்கு. (என்னோட தாத்தா வருஷாவருஷம் பாதயாத்திரையா திருமலைதிருப்பதிக்கு போய்வரும் பழக்கம்பத்தி சிறுவயசுல கேள்விப்பட்டதால வந்த ஆர்வமா இருக்கலாம்.)

2011 டிசம்பர்ல என் குடும்பத்தாருடன் நானும் இப்படி ஒரு பாதயாத்திரை குழுவினரோடு கலந்துகொண்டு பாதயாத்திரை புறப்பட தயாரானேன்.
இதுபற்றி அய்யா கவிஞர் பெருமாள் ராசு, அம்மா ஸ்ரீமஹாலட்சுமி அவர்கள் இருவரிடமும் தகவலைச்சொல்லி அனுமதி கேட்டேன்.

அம்மா ஸ்ரீ மஹாலட்சுமி,அய்யா கவிஞர் பெருமாள் ராசு

“..வேண்டுதல் எதுவும் இருக்கா”- ன்னு அம்மா கேட்டாங்க.

“இல்லம்மா..ரொம்பநாளா மனசுக்குள்ள போகனும்னு ஆர்வம் அதான்”-னு இழுத்தேன்.

அம்மா சிம்பிளாகவும், சூசகமாகவும் ஒரே வார்த்தையில சொல்லிட்டாங்க,"..கடைசிவரை நடந்துதான் வருவோம்னு எதுவும் சங்கல்பம் (உறுதி)  எடுத்துக்காம போயிட்டுவாங்க.
உடல வருத்தி எதுவும் செய்யவேணாம்..உடல பத்திரமா பாத்துக்கங்க..எவ்வளவு முடியுமோ, அதுவரைக்கும் நடந்து போங்க..”ன்னு அம்மா சொன்னாங்க.

அவ்வளவுதான், எனக்கு ஒரே ஆர்வம்..நம்மால முடியாதா என்ன..பாத்துடுவோம்..அப்படின்னு நான் ஒரு பக்கம்.. எனக்கு மேல என்னோட மகன் பரத்சந்தர்(11வயசு). இதுல என்னோட மனைவி மட்டும்தான் நடக்கமுடியுமான்னு தெரியலன்னு கொஞ்சம் பயத்தோட இருந்தாங்க.

தடபுடலா புறப்பட தயாராயிட்டோம். 2011 டிசம்பர்29ம்தேதி  புரசைவாக்கம் கங்காதீஸ்வரர் கோயில்ல இருந்து புறப்பட ஏற்பாடு ஆயிருந்தது.

மத்தியானம் 3 மணிக்கு புறப்படறதா இருந்தது. அப்பதான் ‘தானே’ புயலுக்கான மழை ஆரம்பமானது.

கொஞ்சநேரம் பொறுத்து பொறுத்து பார்த்துட்டு ஒரு வழியா மாலை 5.30 மணியளவுல எல்லாரும் நடக்கத் தொடங்கிட்டோம்.

அந்தக்குழுவ ஒரு 74 வயசு தாத்தாதான் தலைமை தாங்கி கூட்டிகிட்டுபோனாரு.

புரசைவாக்கத்துலயே மழை ஆரம்பமாயிடுச்சு..கொட்ற மழையில பரபரப்பான சென்னை சிட்டிய கடந்தது ஒரு வித்யாசமான அனுபவம்.

வழியில ஒரு கல்யாண மண்டபத்துல டிபனுக்கு ஏற்பாடு. நல்ல சுவையான சாப்பாடு. அங்கேயிருந்து சாப்பிட்டு முடிச்ச உடனே, புறப்பட்டு இரவு தங்குமிடமான காரனோடைக்கு புறப்பட்டோம்.

மழை விடாது பெய்தபடியே இருந்தது.

இரவு 11.30 மணிக்கு காரனோடை கல்யாண மண்டபத்தைப்போய் சேர்ந்தோம்.

அடுத்தநாள் காலைல 5மணிக்கெல்லாம் நடக்கத்தொடங்கிட்டோம்.

மழையினால..ரோடெல்லாம் கல்லும் மண்ணுமா இருந்ததால, எங்க மூணுபேரோட காலும் நல்லா பொத்து போயிருந்தது. நடக்கவே முடியல. அந்த குழுவுல வந்தவங்க செருப்பு போடலாம்னு சொல்லியிருந்தாங்க (பெரும்பாலானவங்க செருப்பு போட்டுட்டுதான் நடந்தாங்க), நான் வீம்புல முதல்முறையா போறோம்.., செருப்பெல்லாம் வேணாம்னு சொல்லி வெறுங்காலோட நடந்ததோட விளைவு..நைட்டே எங்க மூனு பேரோட காலும் நடக்கமுடியாதநிலைக்கு ஆயிட்டது.

காலைல, அந்த கால் வலியோட, நடக்கமுடியாம  நடந்து, ஒருகட்டத்துல பெரியபாளையத்துக்கு கொஞ்சம் முன்னாலபோய் முடியாதுன்னு மூணுபேருமே சோர்ந்து போயிட்டோம்.

இதுக்குள்ள அந்த குழுவுல இருந்த எல்லாரும் எங்களைதாண்டி எங்கேயோ போயிட்டாங்க.

அதுக்குமேல ஒரு அடிகூட செருப்பில்லாம நடக்கவே முடியாதுன்ற நிலை எங்களுக்கு ..

மழையினால ஒரு வண்டிபோக்குவரத்துகூட அந்த வழியில இல்ல. எப்படி போறதுன்னு புரியாம நடுரோட்டுல நாங்க தயங்கி நிற்க…மழையோ அடிச்சு ஊத்துது..கால்வலியில உட்காரவும் இடமில்லாம..இன்னும் கொஞ்சம் போன அழுதுடுவோம் போல..தவிச்சிகிட்டு இருந்தப்போதான்..

…….பெருமாள் என்ன பண்ணுவார்னுதான் உங்க எல்லாருக்கும் தெரியுமே, இந்த பாதயாத்திரை  கதைய நான் இதோட இப்ப நிறுத்திக்கிறேன்.

இத இப்ப  சொல்ல வந்ததோட காரணமே வேற..

ஒரு 76 வயசு தாத்தா உள்பட 20பேர்..7 மாசத்துல…7 ஆயிரம் கிலோமீட்டர்… இந்தியா முழுக்க நடந்து, பாதயாத்திரையா   வைணவ திருத்தலங்களான 108 திவ்யதேசத்துல 106 இடங்களுக்கு(மீதி 2 இடம் சொர்க்கமும்,பாற்கடலும்) செப்டம்பர் மாசம் புறப்படறாங்க..

இவர்களுக்கு நாம என்ன செய்யப்போகிறோம்..

வரலாற்றில் முதல்முறையாக..ஆழ்வார்கள்கூட செய்யாத செயல்..இவங்களுக்கு வாய்த்தது எப்படி..நாளை பார்க்கலாம்.

என்னோட வீட்டுக்கு வருவாரா நித்யாநந்தா?–ஒரு பக்தையின் ஏக்கம்- பாகம் - 03

இந்தப் பதிவோட முதல் பகுதி

இந்தப் பதிவோட இரண்டாம் பகுதி

இது மூன்றாம் பகுதி. இனி…தொடர்ந்து படியுங்கள்.

பகவான் நித்யாநந்தாவுடனான தனது அனுபவத்தை லதா கபாலீஸ்வரன் தொடர்ந்து சொல்லிக் கொண்டிருந்தார்.

“….ஹீலிங் பயிற்சிக்காக என்னோட குருவோட வீட்டுக்கு போயிருந்தப்பதான் முதன்முதலா நித்யாநந்தாவ(போட்டோவுல) பார்த்தேன். அவர்தான் நான் இத்தனை வருஷமா  தேடிட்டு இருந்த குருன்னு புரிஞ்சிகிட்டேன்.

அந்தப் படத்த வச்சிருந்த என்னோட ஹீலிங் மாஸ்டரோ.. பகவான் நித்யாநந்தாவோட தீவிரமான பக்தர். தான் போற இடத்துக்கெல்லாம், அந்த படத்தையும்  கையோட எடுத்துகிட்டேதான் போவாரு. அதை யாருகிட்டயும் கொடுக்கவும் மாட்டாரு.அதனால, நான் எதுவுமே பேசாம, கிளாஸ் முடிஞ்சதும் நித்யாநந்தாவை பிரிய முடியாம பிரிஞ்சு வீட்டுக்கு வந்தேன்.

அந்தநொடியிலிருந்து என்னோட பிரேயர் இது மட்டும்தான், “பாபா…பாபா..என்னோட வீட்டுக்கு வரமாட்டீங்களா பாபா..என்னோடயே இருக்கமாட்டீங்களா பாபா….”

அவரை பாத்த நொடியிலிருந்து நான் அவரை பாபா..பாபான்னுதான் கூப்பிட ஆரம்பிச்சேன்.அது ஏன் அப்படின்னு எல்லாம் எனக்கு காரணம் தெரியல.

அடுத்த சில நாட்கள்லயே, என்னோட ஹீலிங் குரு என் வீட்டுக்கு வந்தாரு..அவருதான் எங்க போனாலுமே, நித்யாநந்தாவை கையோட எடுத்துக்கிட்டுதான் போவாருன்னு சொல்லியிருந்தேனில்லையா..என்னோட வீட்டுக்கு வரும்போதும் அந்த படத்த எடுத்துட்டு வந்தாரு.
சந்தோஷத்துல திக்குமுக்காடி போயிட்டேன்.தொலைஞ்சிபோன ஏதோ ஒன்னு எனக்கு திரும்பவும் கிடைச்சிட்ட அளவுக்கு சந்தோஷம்.

ஆனா, எங்கிட்ட பேசிமுடிச்சிட்ட கொஞ்ச நேரத்துலயே,ஹீலிங்குரு புறப்படறேன்னு சொன்னாரு. 

அதுவரைக்கும் நான்  மனசுக்குள்ள பாபாகிட்ட வேண்டிகிட்டேதான் இருந்தேன்.

“..பாபா..பிளீஸ்..பாபா…இங்கயே இருந்துடுங்க..பாபா..போயிடாதீங்க..பாபா..”ன்னு அந்தபடத்த பாத்து இதையேதான் திரும்ப திரும்ப சொல்லிகிட்டு இருந்தேன்.

ஆனா, என்னோட மாஸ்டர் புறப்பட எழுந்துட்டாரு.அந்தபடத்தையும் ஒரு பையில போட்டு கையில எடுத்துகிட்டாரு.எனக்கு உடம்பெல்லாம் பதற ஆரம்பிச்சிடுச்சு.

"பாபா..நான் இவ்ளோ சொல்லியும் நீங்க கிளம்பிட்டீங்க இல்ல..பாபா..பிளீஸ் பாபா.."ன்னு அப்பவும் அவர்கிட்ட மனசுகுள்ளயே கெஞ்சிகிட்டுதான் இருந்தேன்.

புறப்பட்டவரு வாசல்லயே கொஞ்ச நேரம் நின்னு என்னோட  பேசிட்டே இருந்துட்டு அதுக்கப்புறமாதான் கிளம்பினாரு.

வீட்டுக்கு வெளியே போய் அவரு கார்ல ஏறும்வரைக்கும் கூட இருந்து அவர வழி அனுப்பிட்டு, வீட்டுக்குள்ள வந்தேன்.

அப்பவும் மனசுக்குள்ள..”நான் அவ்ளோ கேட்டுகிட்டும் நீ பாட்டுக்கு புறப்பட்டு அவரோட போயிட்ட இல்ல..ஏன் பாபா..?”

அழுகை முட்டிகிட்டு வந்தது.

கண்ண தொடச்சிகிட்டே வீட்டுக்குள்ளே நுழைய, அப்போதான் என்னோட பார்வையில பட்டது சேர்ல இருந்த மாஸ்டரோட பை.

ஆஹா..இதலதான பாபாவோட படம் இருந்தது. இத எப்போ இங்க வச்சிட்டு போயிட்டாரு..ன்னு , யோசிச்சபடியே பைய திறந்து பாக்கறேன்..

உள்ளே பாபா..! என்னபாத்து சிரிச்சுகிட்டிருக்காரு...,

முதன்முதலா என்ன ஆகர்ஷித்த என் குரு பகவான் நித்யாநந்தாவோட அந்த படம் இதுதான்..!”

‘..மகாலட்சுமியோட அம்சங்க இவரு.."

முதமுதலா இவரை லதா நமக்கு அப்படித்தான் சொல்லி அறிமுகப்படுத்தினாங்க.அதை கொஞ்சம் ரீகால்( நினைவு ) செஞ்சுகிட்டே, திரும்பவும் இந்தபடத்தைப் பாருங்கள்…

நிச்சயம் உங்களுக்குள் சில மாற்றங்கள் நிகழும்..

உங்க வாழ்க்கையிலயும் மகாலட்சுமிய வரவேற்க தயாராகுங்கள்…’

அற்புதங்கள் தொடரும்…காத்திருங்கள்..!

நித்யாநந்தாவைப் பார்த்த முதல்நொடி – ஒரு பக்தையின் பரவசம்!

இந்தப் பதிவோட ஆரம்பம் இங்கே
குரு தன்னை ஆகர்ஷித்த அந்த சிலிர்ப்பூட்டும் தருணத்த விவரிக்கத் தொடங்கினாங்க..லதா கபாலீஸ்வரன்.

Latha Kabaleeswaran

“….அப்போ, எனக்கு  8 வயசு இருக்கும்…ஒருநாள்…திடீர்னு எனக்கொரு எண்ணம் வந்தது. இன்னும் கொஞ்ச நாள்ல நம்மத் தேடி யாரோ ஒரு குரு வரப்போறாரு அப்படின்னு தோனுச்சு. அப்போலயிருந்து, நான் ஒவ்வொருத்தரையா பாக்கும்போது..இவருதான் நம்மோட குருவா..இல்லன்னா இவரான்னு சொல்லி..எந்த குருவோட போட்டோவ பாத்தாலும் நினைக்க ஆரம்பிச்சிட்டேன்.

ராமகிருஷ்ணர்..ரமணர்..ஷீரடி சாய்பாபா..இப்படி ஒவ்வொருத்தரோட படத்தையும்…அதல இருக்குற அந்த மகான்களோட உருவத்தையும் உன்னிப்பா கவனிச்சிகிட்டே  இருப்பேன..ஆனா, ஒருகட்டத்துல..இல்ல..இல்ல…இவங்க..இல்ல..எனக்குன்னு ஒருத்தர் வருவார்னு சொல்லி நினைச்சுகிட்டு, காத்திருக்கத் தொடங்கினேன்.

நான் இவங்கள எல்லாம் மகான் இல்லன்னோ..வேண்டாம்னோ புறக்கணிக்கல..ஒரு திருவிழாவுல தன்னோட பெற்றோர தொலைச்சிட்ட குழந்தை எப்படி யார் வந்து ஆறுதல் சொன்னாலும் தன்னோட அழுகைய நிறுத்தாம ,தன்னோட அப்பா,அம்மாவ தேடுமோ..அதுமாதிரிதான்..எனக்கு மனசுக்குள்ள இருந்த தேடல்..தவிப்பு..ஏறக்குறைய காணாமப்போன ஒரு குழந்தையோட அழுகைமாதிரிதான்…என்னோட குரு எங்கே..என்ன ஏத்துக்க எப்போ வருவாரு…இந்த நினைப்போடயே காலம் உருண்டோடுச்சு.

எனக்கு கல்யாணமாகி குழந்தையும் பிறந்தாச்சு.ஜோதிடம்,ஹீலிங் பற்றியெல்லாம் நான் பயிற்சி  எடுத்துட்டு இருந்த சமயமது. புதுசா வந்த ஒரு குருகிட்ட நான் ஹீலிங் பயிற்சிக்காக போயிருந்தேன்.

அது 1999ம் வருஷம்..,(அப்போ எனக்கு வயசு 34)

அங்கதான் நான் முதமுதலா அவரப் பார்த்தேன்(போட்டோவுலதான்)..  வார்த்தைகள்ல விவரிக்கமுடியாத உணர்வு…உடம்பெல்லாம் சிலிர்த்துட்டது..பேச எனக்கு வார்த்தைகளே வரல…இவருதான்..இவருதான்…நான் இத்தனை வருஷமா காத்துட்டு இருந்தது இவருக்காகத்தான்..அப்படின்னு வாய்விட்டு கத்தனும்போல இருந்தது.

Bhagavan Nityananda

அதுதான் பகவான் நித்யாநந்தா..! அற்புதங்கள் தொடரும்..,காத்திருங்கள்..! 

'மகாலட்சுமியோட ரூபம்ங்க அவரு...' நித்யாநந்தாவைப்பற்றி சொல்கிறார் அவரது பக்தை

'மகாலட்சுமியோட ரூபம்ங்க அவரு..'

இப்படித்தான் ஆரம்பிச்சாங்க அந்த அம்மா..

அவங்கதான் லதா கபாலீஸ்வரன்.

இந்த வலைப்பதிவுல உங்களோட வலதுபக்கத்துல இருக்குற விளம்பரம்(இது இலவசமாக வெளியிடப்படுகிறது)தான் இந்தப்பதிவோட ஆரம்பம்.

2ம் தேதி ..நான் என்னோட ஆபீஸ்ல பேப்பர் பார்த்துட்டு இருந்தப்போதான் இந்த விளம்பரம் என்னோட பார்வையில பட்டது.

இதுல முக்கியமா என்னோட கவனத்த ஈர்த்தது அதுல இருந்த                                     பகவான் நித்யாநந்தா..

நித்யாநந்தாவின் சிலைக்கு அபிஷேகம் செய்கிறார் லதா

சிலமாசங்களுக்கு முன்னாலயே இவரப்பத்தி எழுத ஏராளமான தகவல்கள எடுத்துப்படிச்சும்..அத எழுத முடியல..

நான்தான் ஏற்கனவே பதிவுகள்ல சொல்லியிருக்கேனே..இது எதுவுமே என்னோட முயற்சிகளால நடக்கறதில்லே..அடுத்த பதிவு என்னன்னு என்னால எப்பவுமே முடிவு செய்ய முடிஞ்சதில்ல..நானே வலிஞ்சு எதையாவது எழுதனும்னு ஆர்வகோளாறுல முயற்சித்தாலும் அது முட்டிகிட்டுதான் நிக்கும்.

அப்படித்தான் முதல்ல நித்யாநந்தாவப்பத்தி எழுத எடுத்த முயற்சியும் பாதியிலயே நின்னுபோச்சு..

இப்படிப்பட்ட ஒரு சந்தர்ப்பத்துலதான்,

அவரோட படத்த போட்டு ஒருத்தர் விளம்பரப்படுத்தியிருந்தாங்க.

சென்னையில இவருக்கு பக்தர்கள் இருக்காங்களா..எனக்கு கொஞ்சம் ஆச்சரியமாத்தான் இருந்தது.

லதா கபாலீஸ்வரன்..ஜோதிடத்துல இருந்து ஹீலிங், மற்றும் தியானம் மூலமாவும் எல்லாபிரச்னைகளுக்கும் வெவ்வேற வழிகள கையாண்டு  தீர்வு சொல்வதா விளம்பரத்துல சொல்லியிருந்தாங்க.

எனக்கு அவங்க சொன்ன தகவல்கள விட நித்யாநந்தாவோட இவங்களுக்கு ஏற்பட்ட முதல் அனுபவத்த தெரிஞ்சுக்கணும்னு ஆர்வமா இருந்தது.

அவங்களுக்கு போன் பண்ணினேன். 
உடனே, மறுநாள் 3ம்தேதி மதியம் ஒருமணிக்கு சந்திக்கலாம்னு நேரம் ஒதுக்கினாங்க.

ரொம்பவே ஆர்வத்தோட காத்திருந்தேன்.

3ம்தேதி மதியம் சாலிகிராமத்துல இருக்குற அவங்க வீட்டுக்கு நேர்ல போயிருந்தேன்.

வீட்டுக்குள்ள நுழையும்போதே..

நம்ம வரவேற்குற விதமா ஹால்லயே இருந்தாரு..நித்யாநந்தா..!

பரஸ்பர அறிமுகம்..உபசரிப்புகள் எல்லாம் முடிஞ்சதும்..

ரெண்டுபேரும் குரு-சிஷ்ய அனுபவத்த பேசத்தொடங்கினோம். இனி..அவங்க சொல்லச்சொல்ல எதிர்ல இருந்த நான் ஆச்சரியத்தோட கேட்டுகிட்டு மட்டுமே இருந்தேன்..அற்புதங்கள் தொடரும்..காத்திருங்கள்..!