என்னோட வீட்டுக்கு வருவாரா நித்யாநந்தா?–ஒரு பக்தையின் ஏக்கம்- பாகம் - 03

இந்தப் பதிவோட முதல் பகுதி

இந்தப் பதிவோட இரண்டாம் பகுதி

இது மூன்றாம் பகுதி. இனி…தொடர்ந்து படியுங்கள்.

பகவான் நித்யாநந்தாவுடனான தனது அனுபவத்தை லதா கபாலீஸ்வரன் தொடர்ந்து சொல்லிக் கொண்டிருந்தார்.

“….ஹீலிங் பயிற்சிக்காக என்னோட குருவோட வீட்டுக்கு போயிருந்தப்பதான் முதன்முதலா நித்யாநந்தாவ(போட்டோவுல) பார்த்தேன். அவர்தான் நான் இத்தனை வருஷமா  தேடிட்டு இருந்த குருன்னு புரிஞ்சிகிட்டேன்.

அந்தப் படத்த வச்சிருந்த என்னோட ஹீலிங் மாஸ்டரோ.. பகவான் நித்யாநந்தாவோட தீவிரமான பக்தர். தான் போற இடத்துக்கெல்லாம், அந்த படத்தையும்  கையோட எடுத்துகிட்டேதான் போவாரு. அதை யாருகிட்டயும் கொடுக்கவும் மாட்டாரு.அதனால, நான் எதுவுமே பேசாம, கிளாஸ் முடிஞ்சதும் நித்யாநந்தாவை பிரிய முடியாம பிரிஞ்சு வீட்டுக்கு வந்தேன்.

அந்தநொடியிலிருந்து என்னோட பிரேயர் இது மட்டும்தான், “பாபா…பாபா..என்னோட வீட்டுக்கு வரமாட்டீங்களா பாபா..என்னோடயே இருக்கமாட்டீங்களா பாபா….”

அவரை பாத்த நொடியிலிருந்து நான் அவரை பாபா..பாபான்னுதான் கூப்பிட ஆரம்பிச்சேன்.அது ஏன் அப்படின்னு எல்லாம் எனக்கு காரணம் தெரியல.

அடுத்த சில நாட்கள்லயே, என்னோட ஹீலிங் குரு என் வீட்டுக்கு வந்தாரு..அவருதான் எங்க போனாலுமே, நித்யாநந்தாவை கையோட எடுத்துக்கிட்டுதான் போவாருன்னு சொல்லியிருந்தேனில்லையா..என்னோட வீட்டுக்கு வரும்போதும் அந்த படத்த எடுத்துட்டு வந்தாரு.
சந்தோஷத்துல திக்குமுக்காடி போயிட்டேன்.தொலைஞ்சிபோன ஏதோ ஒன்னு எனக்கு திரும்பவும் கிடைச்சிட்ட அளவுக்கு சந்தோஷம்.

ஆனா, எங்கிட்ட பேசிமுடிச்சிட்ட கொஞ்ச நேரத்துலயே,ஹீலிங்குரு புறப்படறேன்னு சொன்னாரு. 

அதுவரைக்கும் நான்  மனசுக்குள்ள பாபாகிட்ட வேண்டிகிட்டேதான் இருந்தேன்.

“..பாபா..பிளீஸ்..பாபா…இங்கயே இருந்துடுங்க..பாபா..போயிடாதீங்க..பாபா..”ன்னு அந்தபடத்த பாத்து இதையேதான் திரும்ப திரும்ப சொல்லிகிட்டு இருந்தேன்.

ஆனா, என்னோட மாஸ்டர் புறப்பட எழுந்துட்டாரு.அந்தபடத்தையும் ஒரு பையில போட்டு கையில எடுத்துகிட்டாரு.எனக்கு உடம்பெல்லாம் பதற ஆரம்பிச்சிடுச்சு.

"பாபா..நான் இவ்ளோ சொல்லியும் நீங்க கிளம்பிட்டீங்க இல்ல..பாபா..பிளீஸ் பாபா.."ன்னு அப்பவும் அவர்கிட்ட மனசுகுள்ளயே கெஞ்சிகிட்டுதான் இருந்தேன்.

புறப்பட்டவரு வாசல்லயே கொஞ்ச நேரம் நின்னு என்னோட  பேசிட்டே இருந்துட்டு அதுக்கப்புறமாதான் கிளம்பினாரு.

வீட்டுக்கு வெளியே போய் அவரு கார்ல ஏறும்வரைக்கும் கூட இருந்து அவர வழி அனுப்பிட்டு, வீட்டுக்குள்ள வந்தேன்.

அப்பவும் மனசுக்குள்ள..”நான் அவ்ளோ கேட்டுகிட்டும் நீ பாட்டுக்கு புறப்பட்டு அவரோட போயிட்ட இல்ல..ஏன் பாபா..?”

அழுகை முட்டிகிட்டு வந்தது.

கண்ண தொடச்சிகிட்டே வீட்டுக்குள்ளே நுழைய, அப்போதான் என்னோட பார்வையில பட்டது சேர்ல இருந்த மாஸ்டரோட பை.

ஆஹா..இதலதான பாபாவோட படம் இருந்தது. இத எப்போ இங்க வச்சிட்டு போயிட்டாரு..ன்னு , யோசிச்சபடியே பைய திறந்து பாக்கறேன்..

உள்ளே பாபா..! என்னபாத்து சிரிச்சுகிட்டிருக்காரு...,

முதன்முதலா என்ன ஆகர்ஷித்த என் குரு பகவான் நித்யாநந்தாவோட அந்த படம் இதுதான்..!”

‘..மகாலட்சுமியோட அம்சங்க இவரு.."

முதமுதலா இவரை லதா நமக்கு அப்படித்தான் சொல்லி அறிமுகப்படுத்தினாங்க.அதை கொஞ்சம் ரீகால்( நினைவு ) செஞ்சுகிட்டே, திரும்பவும் இந்தபடத்தைப் பாருங்கள்…

நிச்சயம் உங்களுக்குள் சில மாற்றங்கள் நிகழும்..

உங்க வாழ்க்கையிலயும் மகாலட்சுமிய வரவேற்க தயாராகுங்கள்…’

அற்புதங்கள் தொடரும்…காத்திருங்கள்..!

நித்யாநந்தாவைப் பார்த்த முதல்நொடி – ஒரு பக்தையின் பரவசம்!

இந்தப் பதிவோட ஆரம்பம் இங்கே
குரு தன்னை ஆகர்ஷித்த அந்த சிலிர்ப்பூட்டும் தருணத்த விவரிக்கத் தொடங்கினாங்க..லதா கபாலீஸ்வரன்.

Latha Kabaleeswaran

“….அப்போ, எனக்கு  8 வயசு இருக்கும்…ஒருநாள்…திடீர்னு எனக்கொரு எண்ணம் வந்தது. இன்னும் கொஞ்ச நாள்ல நம்மத் தேடி யாரோ ஒரு குரு வரப்போறாரு அப்படின்னு தோனுச்சு. அப்போலயிருந்து, நான் ஒவ்வொருத்தரையா பாக்கும்போது..இவருதான் நம்மோட குருவா..இல்லன்னா இவரான்னு சொல்லி..எந்த குருவோட போட்டோவ பாத்தாலும் நினைக்க ஆரம்பிச்சிட்டேன்.

ராமகிருஷ்ணர்..ரமணர்..ஷீரடி சாய்பாபா..இப்படி ஒவ்வொருத்தரோட படத்தையும்…அதல இருக்குற அந்த மகான்களோட உருவத்தையும் உன்னிப்பா கவனிச்சிகிட்டே  இருப்பேன..ஆனா, ஒருகட்டத்துல..இல்ல..இல்ல…இவங்க..இல்ல..எனக்குன்னு ஒருத்தர் வருவார்னு சொல்லி நினைச்சுகிட்டு, காத்திருக்கத் தொடங்கினேன்.

நான் இவங்கள எல்லாம் மகான் இல்லன்னோ..வேண்டாம்னோ புறக்கணிக்கல..ஒரு திருவிழாவுல தன்னோட பெற்றோர தொலைச்சிட்ட குழந்தை எப்படி யார் வந்து ஆறுதல் சொன்னாலும் தன்னோட அழுகைய நிறுத்தாம ,தன்னோட அப்பா,அம்மாவ தேடுமோ..அதுமாதிரிதான்..எனக்கு மனசுக்குள்ள இருந்த தேடல்..தவிப்பு..ஏறக்குறைய காணாமப்போன ஒரு குழந்தையோட அழுகைமாதிரிதான்…என்னோட குரு எங்கே..என்ன ஏத்துக்க எப்போ வருவாரு…இந்த நினைப்போடயே காலம் உருண்டோடுச்சு.

எனக்கு கல்யாணமாகி குழந்தையும் பிறந்தாச்சு.ஜோதிடம்,ஹீலிங் பற்றியெல்லாம் நான் பயிற்சி  எடுத்துட்டு இருந்த சமயமது. புதுசா வந்த ஒரு குருகிட்ட நான் ஹீலிங் பயிற்சிக்காக போயிருந்தேன்.

அது 1999ம் வருஷம்..,(அப்போ எனக்கு வயசு 34)

அங்கதான் நான் முதமுதலா அவரப் பார்த்தேன்(போட்டோவுலதான்)..  வார்த்தைகள்ல விவரிக்கமுடியாத உணர்வு…உடம்பெல்லாம் சிலிர்த்துட்டது..பேச எனக்கு வார்த்தைகளே வரல…இவருதான்..இவருதான்…நான் இத்தனை வருஷமா காத்துட்டு இருந்தது இவருக்காகத்தான்..அப்படின்னு வாய்விட்டு கத்தனும்போல இருந்தது.

Bhagavan Nityananda

அதுதான் பகவான் நித்யாநந்தா..! அற்புதங்கள் தொடரும்..,காத்திருங்கள்..! 

'மகாலட்சுமியோட ரூபம்ங்க அவரு...' நித்யாநந்தாவைப்பற்றி சொல்கிறார் அவரது பக்தை

'மகாலட்சுமியோட ரூபம்ங்க அவரு..'

இப்படித்தான் ஆரம்பிச்சாங்க அந்த அம்மா..

அவங்கதான் லதா கபாலீஸ்வரன்.

இந்த வலைப்பதிவுல உங்களோட வலதுபக்கத்துல இருக்குற விளம்பரம்(இது இலவசமாக வெளியிடப்படுகிறது)தான் இந்தப்பதிவோட ஆரம்பம்.

2ம் தேதி ..நான் என்னோட ஆபீஸ்ல பேப்பர் பார்த்துட்டு இருந்தப்போதான் இந்த விளம்பரம் என்னோட பார்வையில பட்டது.

இதுல முக்கியமா என்னோட கவனத்த ஈர்த்தது அதுல இருந்த                                     பகவான் நித்யாநந்தா..

நித்யாநந்தாவின் சிலைக்கு அபிஷேகம் செய்கிறார் லதா

சிலமாசங்களுக்கு முன்னாலயே இவரப்பத்தி எழுத ஏராளமான தகவல்கள எடுத்துப்படிச்சும்..அத எழுத முடியல..

நான்தான் ஏற்கனவே பதிவுகள்ல சொல்லியிருக்கேனே..இது எதுவுமே என்னோட முயற்சிகளால நடக்கறதில்லே..அடுத்த பதிவு என்னன்னு என்னால எப்பவுமே முடிவு செய்ய முடிஞ்சதில்ல..நானே வலிஞ்சு எதையாவது எழுதனும்னு ஆர்வகோளாறுல முயற்சித்தாலும் அது முட்டிகிட்டுதான் நிக்கும்.

அப்படித்தான் முதல்ல நித்யாநந்தாவப்பத்தி எழுத எடுத்த முயற்சியும் பாதியிலயே நின்னுபோச்சு..

இப்படிப்பட்ட ஒரு சந்தர்ப்பத்துலதான்,

அவரோட படத்த போட்டு ஒருத்தர் விளம்பரப்படுத்தியிருந்தாங்க.

சென்னையில இவருக்கு பக்தர்கள் இருக்காங்களா..எனக்கு கொஞ்சம் ஆச்சரியமாத்தான் இருந்தது.

லதா கபாலீஸ்வரன்..ஜோதிடத்துல இருந்து ஹீலிங், மற்றும் தியானம் மூலமாவும் எல்லாபிரச்னைகளுக்கும் வெவ்வேற வழிகள கையாண்டு  தீர்வு சொல்வதா விளம்பரத்துல சொல்லியிருந்தாங்க.

எனக்கு அவங்க சொன்ன தகவல்கள விட நித்யாநந்தாவோட இவங்களுக்கு ஏற்பட்ட முதல் அனுபவத்த தெரிஞ்சுக்கணும்னு ஆர்வமா இருந்தது.

அவங்களுக்கு போன் பண்ணினேன். 
உடனே, மறுநாள் 3ம்தேதி மதியம் ஒருமணிக்கு சந்திக்கலாம்னு நேரம் ஒதுக்கினாங்க.

ரொம்பவே ஆர்வத்தோட காத்திருந்தேன்.

3ம்தேதி மதியம் சாலிகிராமத்துல இருக்குற அவங்க வீட்டுக்கு நேர்ல போயிருந்தேன்.

வீட்டுக்குள்ள நுழையும்போதே..

நம்ம வரவேற்குற விதமா ஹால்லயே இருந்தாரு..நித்யாநந்தா..!

பரஸ்பர அறிமுகம்..உபசரிப்புகள் எல்லாம் முடிஞ்சதும்..

ரெண்டுபேரும் குரு-சிஷ்ய அனுபவத்த பேசத்தொடங்கினோம். இனி..அவங்க சொல்லச்சொல்ல எதிர்ல இருந்த நான் ஆச்சரியத்தோட கேட்டுகிட்டு மட்டுமே இருந்தேன்..அற்புதங்கள் தொடரும்..காத்திருங்கள்..!

போதிதருமரும் நானும் ஒன்றாகச் சுற்றித் திரிந்தோம் - ஒரு ஞானி வெளியிட்ட முற்பிறவி ரகசியம்

வாங்க..இப்போ  நான் சொல்லப்போறது எல்லாமே நேரடியா என்னோட அனுபவங்கள்...நான் நேரடியா உணர்ந்ததுக்கு சாட்சிகள் தேவையில்ல...ஆனா, இப்போ நான் சொல்லப்போற எல்லாமே சத்தியமானவை.

இத நான் உணர்ந்த தருணம் ரொம்பவே அற்புதமானது..,

அந்த சமயத்துல வார்த்தைகள்ல விவரிக்க முடியாத உன்னதமான தியானநிலையிலயே நான் தொடர்ந்து இருக்கத் தொடங்கினேன்.

அப்போதான் என்னால சில  குறிப்பிட்ட நிலைகளுக்கெல்லாம் போக முடிஞ்சது. 

தியானத்துல படிப்படியா வெவ்வேற இடங்களுக்கு நான் டிராவல் செஞ்சப்பதான் என்னோட முற்பிறவி ரகசியங்கள் எல்லாம்  எனக்கு கொஞ்ச கொஞ்சமா காட்சிகளா தெரிய ஆரம்பிச்சது.

அத பார்க்க பார்க்க எனக்கு ரொம்பவே ஆச்சரியமா இருந்தது.

இப்ப எனக்கு கிடைச்சிருக்குற  இந்த ஞானத்திற்கு அடிப்படையே நான் பலபிறவிகளா சேகரிச்ச அறிவுதான். 

அது ஒவ்வொரு பிறவியிலயும் மேலும், மேலும் செரிவடைஞ்சு இப்போ ஞானமா மலர்ந்திருக்கு.

14 நூற்றாண்டுகளுக்கு முன்..

அதாவது 4 ம் நூற்றாண்டுல..அதாவது கி பி440ல இருந்துகி.பி 528க்குள்ளே தான் 

எனக்கும் அவருக்கும் சந்திப்பு ஏற்பட்டுச்சு..அவரு போதிதருமர்!

போதிதருமர்

இந்த 21ம் நூற்றாண்டுல  ஒரு தமிழ் சினிமா மூலாமாத்தான் அவர நீங்கள்லாம் தெரிஞ்சிகிட்டீங்க..ஆனா.. அவரு எவ்ளோ பெரிய ஞானின்னு உங்களுக்கெல்லாம் தெரியுமா ? 

கி.மு.563 ல இருந்து கி. மு 483. இதுதான் புத்தர் வாழ்ந்ததா சொல்லப்படுற காலகட்டம்.

கௌதம சித்தார்த்தன் ஞானத்ததேடி எங்கெங்கோ அலைஞ்சு திரிஞ்சு ஒரு கட்டத்துல புத்தகயாவுல போதிமரத்தடியில  ஞானமடைஞ்சாரு.

அதுக்கு அப்புறமா அவரோட போதனைகள அடிப்படையா வச்சு உருவான புத்தமதம் உலகம் முழுக்க பரவத்தொடங்குச்சு.

ஆனாலும், அந்த சமயத்துல பெண்கள் ஞானத்தைத்தேடி தவ வாழ்க்கையில ஈடுபடுறதுல  புத்தருக்கேகூட ஒருவித தயக்கம் இருந்ததா சொல்லப்படுவதுண்டு.

ஆனா, புத்தருக்குப்பிறகு அவரோட போதனைகளால ஒரு பெண் ஞானமடைஞ்சு பலருக்கு வழிகாட்டி ஒரு குருவா உயர்ந்தாங்க..

அந்த பெண்தான் ..பிரஜ்நதாரா (Prajnatara)

புத்தரோட வழி வந்த ஞானி புண்யமித்ரா(Punyamitra) அப்டிங்கறவருதான் இவங்களோட குரு.

ஊர் ஊரா சன்னியாசியா சுற்றித் திரிஞ்சிட்டு இருந்த பிரஜ்நதாரா ஒருகட்டத்துல காஞ்சிக்கு வந்தாங்க.

காஞ்சிபுரத்துல அப்போ பல்லவ மன்னர் சிம்ஹவர்மன் அரசாட்சி செஞ்சிட்டு இருந்தாரு. அவரோட மூன்றாவது மகன்தான் போதிதாரா(Bodhitara).

இவருக்கு பிரஜ்நதாரா தியான பயிற்சிகள் எல்லாம் சொல்லிகொடுத்து

வழி காட்ட , 7வயசு சிறுவனா இருக்கும்போதே ஞானமடைஞ்சிருக்காரு போதிதாரா.

அதன்பிறகுதான் அவரோட பேரு போதிதருமர்னு மாற்றப்பட்டிருக்கு.

சின்னவயசுலயே போதிதருமரு தற்காப்புக்கலைகள புதுசுபுதுசா உருவாக்கி அதுல நல்ல பயிற்சியில இருந்திருக்காரு. இப்போதைய காஞ்சி மாநகர்லதான் தன்னோட தற்காப்புக்கலை பயிற்சிகள செஞ்சிருக்காரு.

காஞ்சிபுரம் ஏகாம்பரநாதர் திருக்கோயில்

ஒருகட்டத்துல பரபரப்பான காஞ்சியில இருந்து ஆந்திராவுல இருக்குற நாகார்ஜூனகொண்டா என்கிற ஸ்ரீபர்வத மலைப்பகுதிக்குப் போயி வஜ்ரகாய நிலைய அடையறதுக்கான சில விசேஷமான பயிற்சிகள  எடுத்திருக்காரு.அது மூலமா ஒரு விசேஷமான சக்தியும் அவருக்கு கிடைச்சிருக்கு. 

நாகார்ஜூனகொண்டா, ஆந்திர மாநிலம்

வஜ்ரகாய நிலைய அடைஞ்சவங்கள  எந்தவிதமான நோயோ ,விஷமோ பாதிக்காது. அப்படி ஒரு நிலைய அடைஞ்சவருதான் போதிதருமர்.

(Research by Babu T. Raghu, The Founder of Sailum Zen Monastery in Bangalore).

தன்னோட 150வது வயசுல தனது குருவான பிரஜ்நதாரா கொடுத்த ஒரு வித்யாசமான பொறுப்ப நிறைவேத்தறதுக்காக போதிதருமர் சீனாவுக்கு புறப்பட்டுப்போனாரு.

புத்தருக்கு பின்னாடி 600 வருடங்கள் கடந்து ஓடிப்போச்சு. ஏராளமான புத்த சன்னியாசிகள் சீனாவுக்கு போயும் அதுவரைக்கும் அங்க ஆயிரக்கணக்கான மடாலயங்களும், சன்னியாசிகளும் மட்டும்தான் உருவானாங்க. 

ஒருத்தர்கூட ஞானமடையல. அப்போதான் பிரஜநதாரா " போதிதருமா உடனே,நீ சீனாவுக்கு போ. உன்னாலதான் அங்க இருக்கிறவங்களுக்கு ஞானத்தை உணர வைக்க முடியும்" னு சொல்லி அவர அனுப்பிவைச்சாங்க.

அந்த வகையில சீனாவுக்குப்போன முதல் ஆன்மஞானி போதிதருமர்தான் !

அங்க ஒரு குகையில போதிதருமர் தொடர்ந்து 9 வருடங்கள் தவம் செஞ்சதப்பத்தியும், அந்த குகையோட வீடியோகாட்சிகளையும் ஏற்கனவே நம்மோட முந்தைய பதிவுல படிச்சிருப்பீங்க. 

குங்பூ கலையை உருவாக்கியவர், ஜென் புத்தமதத்தை தோற்றுவித்தவர்ன்னு அவருக்கு நிறைய பெருமைகள் கிடைச்சது.

தற்காப்புக்கலைகள் மூலமா உடலையும் மனதையும் ஆன்மாவையும் உணரவைத்து ஞானமடைச் செய்யும் ஒரு புது வித்தையை சீனாவிற்கு போதிதருமர் அறிமுகம் செஞ்சு வச்சாரு.

அது இன்னைக்கு ஜப்பான்லயும் பரவி போதிதருமரோட புகழ சொல்லிட்டு இருக்கு.

பேக் டு பிளாஷ்பேக்..

என்னோட முற்பிறவிகள்ல ஒருபிறவியில எனக்கும் போதிதருமருக்கும் நல்ல அறிமுகம் இருந்தது.

நானும் அவரும் ஏறக்குறைய ஒரு மூணு மாசம் ஒன்னா நிறைய  இடங்களுக்கு சுத்தியிருக்கோம்.

என்னைமாதிரியே அவருக்கும் என் மேல பிரியம் அதிகம். அதனால நல்லா பழகினாரு.

அதுக்கு ஒரு முக்கியமான  ஒரு காரணம் இருந்துச்சு. மத்தவங்களமாதிரி  நான் அவருகிட்ட  எதுபத்தியும் கேள்வி கேட்கறதேயில்ல.

அதுபத்தி அவரே என்கிட்ட ஒருமுறை  சொல்லியிருக்காரு.

"நா பாத்ததுலயே நீ ஒருத்தன் மட்டும்தான்  இதுவரைக்கும் எங்கிட்ட எந்தக் கேள்வியும் கேட்காதவன். எங்க போனாலும் கேள்வி, யாரப்பாத்தாலும் சந்தேகம்ன்னு எதையாவது கேட்கிறதால எனக்கு கேள்விகள்னாலே எரிச்சலடைய செய்யுது. 

நீ ஒருத்தன்தான் அப்படி என்ன கேள்விகளால எரிச்சல்படுத்தாதவன்" அப்படின்னாரு.

உடனே, நான், "அதுக்கு ஒரு காரணம் இருக்கு"

போதிதருமர்,"என்ன அது?"(இவருமட்டும் கேள்வி கேக்கலாமா..?)

நான்,"எங்கிட்ட பதில்கள் மட்டும்தான் இருக்கு, அதனாலதான் நான் யாரையும் கேள்வி கேட்கறதேயில்ல. உங்ககிட்ட எதாவது கேள்வி இருந்தா கேளுங்க. இல்லைன்னா அமைதியா இருங்க"

இப்படி சொல்லி முடிச்சதுதான் தாமதம், உடனே, அவரும் சிரிக்க நானும் சிரிக்க அந்த இடமே ரம்மியமானதா மாறிடுச்சு.

ரெண்டுபேரும் ஒரே நிலையில இருக்கறதாலதான் இப்படி ஒரு அனுபவம்.

அதுக்குப்பிறகுதான் அவரு தன்னோட பயணத்துல என்னையும் தொடர்ந்து அவரோட இணைஞ்சு வரும்படி கூப்பிட்டாரு.

"நீங்க கூப்பிட்டு அத நான்  முடியாதுன்னு சொல்றதுக்காக என்னை நீங்க பொறுத்துதான் ஆகனும்.

எனக்குன்னு ஒரு தனி வழி இருக்கு. அதனால, இனியும் நான் உங்களோட வரமுடியாது. இந்த இடத்துல இருந்து நாம ரெண்டுபேரும் பிரிஞ்சுடலாம்"னு சொன்னேன்.

அவரால நம்பவே முடியல. இதுவரைக்கும் அவரு யாரையும் தன்னோட வரச்சொல்லி கூப்பிட்டதே இல்ல.

அவ்வளவு ஏன், அந்த காலகட்டத்துல சீனப்பேரரசனான வூ, 

முதன்முதலா சீனாவுக்கு வந்த போதிதருமர பார்க்க வந்தாரு.

புத்தமதத்த சீனாவுல பரப்பறதுக்காக அதுக்கு முன்ன அங்க வந்த  புத்த சாமியார்களுக்கெல்லாம்  பேரரசரான வூ சிறப்பான வசதிகள செய்துகொடுத்து கவனிச்சிருக்காரு. 

அதே மாதிரி போதிதருமரையும் தன்னோட அரண்மனைக்கு வரும்படி கூப்பிட்டாரு. ஆனா, இவரோ அந்த இடமெல்லாம் நமக்கு செட்டாகாது. 

எனக்கு இந்த மலையும், காடும்தான் சவுகரியமா இருக்கும்ன்னு மறுத்துட்டாரு. அப்படி பேரரசர் கூப்பிட்டே மறுத்தவருக்கு அவர் கூப்பிட்டு நான் வரலன்னு சொல்லி மறுத்தது ஆச்சரியமா இருந்தது.

அவரலயே நான் சொன்னத நம்ப முடியல.

அப்போதான் நான் சொன்னேன், "உங்கள மறுத்து யாரும் இதுவரைக்கும் பேசினதேயில்ல. அதனால,நீங்க மறுக்கறதோட  ருசிய  இதுவரைக்கும் அனுபவிச்சதேயில்ல. அதுக்காகத்தான் நான் இப்ப உங்களோட அழைப்ப மறுத்தேன். நான் புறப்படுறேன்"

அப்படின்னு  சொல்லிட்டு அவர்கிட்ட இருந்து விடைபெற்று என்னோட வழியில நான் பயணத்தை தொடங்கிட்டேன்.

இது எல்லாமே 1400 வருஷங்களுக்கு முன்னால...

ஏன்னா..நான் இந்த பூமிக்கு வந்துபோன காலகட்டம் 19 ம் நூற்றாண்டு

-(19 ஜனவரி 1931 முதல் 11டிசம்பர் 1953வரை)

இப்படிக்கு

என்னோட  உண்மையான அனுபவங்கள உங்களோடு பகிர்ந்துகொள்ளும் 

-ஓஷோ 

ஓஷோ

42 ஞானியரின் சங்கமம் !

குருபரம்பரையில எழுதறதுக்காக இவங்கள்ல சிலரைப்பத்தி படிச்சிட்டு இருந்தப்போ இப்படி ஒரு குரூப் போட்டோவ குருபூர்ணிமா அன்னைக்கு பார்க்க நேர்ந்தது. ஓரே எடத்துல ஞானமடைஞ்சவங்கள ஒண்ணா பார்க்கறது விவரிக்கமுடியாத ஓர் அனுபவம்.இந்தியா முழுக்க இப்படி ஒருத்தரல்ல..நூறுபேரல்ல...ஆயிரக்கணக்குல ஞானிகள் இருந்துட்டு தான் இருக்காங்க. நம்மோட அறியாமையினால இந்தகாலத்துல அதெல்லாம் சாத்தியமில்லன்னு பொத்தாம்பொதுவா கமெண்ட் அடிச்சிட்டு போயிட்டே இருக்கோம். ஆனா, கொஞ்சம் கவனம் கொடுத்து கவனிக்க ஆரம்பிச்சோம்னா நமக்கு பக்கத்துலயே இவங்க இருப்பாங்க.அத நிச்சயமா உணரமுடியும்.
நம்மை நாம் உணர உதவறதுக்காக இவங்களப்போல பல ஞானிகள் வெவ்வேறு ரூபத்துல ஒவ்வொரு மனிதனை பின்தொடர்ந்துகிட்டே தான் இருக்காங்க.ஆனா, நாமதான் அவங்கள கவனிக்க தவறிடறோம்.இனியாவது குருவை நோக்கி நம்மோட பார்வையை திருப்புவோம்..!

இன்றைக்கு பௌர்ணமி.! Webcam மூலமா திருவண்ணாமலைய நேரடியா பார்க்க ஒரு வசதி

திருவண்ணாமலை பின்னணியில் பகவான் யோகிராம் சுரத்குமார்

இன்னைக்கு ஆனி பௌர்ணமி,எல்லாராலயும் கிரிவலத்துக்காக திருவண்ணாமலைக்கு  போகமுடியாது. ஆனா, இருந்த இடத்துல இருந்தே திருவண்ணாமலைய நேரடியா தரிசனம் செய்ய முடியும். 

 webcam மூலமா live -ஆ 60நொடிகளுக்கு ஒருமுறை திருவண்ணாமலைய பதிவு செஞ்சு இந்த வலைதளத்துல ஆட்டோமேடிக்கா பதிவேற்றம் செய்ய மாதிரி  செட் பண்ணியிருக்காங்க.தினமும் காலைல 6 மணியில இருந்து இந்த கேமரா மலைய படம்புடிக்கத் தொடங்கிடுது. சாயந்திரம் எத்தனை மணி வரை இந்த கேமரா இயங்கும்னு தெரியல. இதோ இன்னைக்கு 18.34 ன்னு நேரத்த காட்டியபடியே கேமரா நின்னு போயிருக்கு. அது அனேகமா மாலை 7 மணியா இருக்கலாம்னு நினைக்கிறேன்.ஏன்னா,  சிலநேரங்கள்ல இந்த கேமரா ஸ்டக் ஆகி நின்னுடுதுன்னு இத நடத்தறவங்களே சொல்லியிருக்காங்க. ஆனாலும் இது ஒரு அற்புதமான முயற்சி.  திருவண்ணாமலை வாசியும் அண்ணாமலையாரின் பக்தருமான திருமதி சாவித்ரிங்கறவங்க தான் நடத்தறாங்க.

ஓம் நமசிவாய! ஓம் நமசிவாய! ஓம் நமசிவாய!

அண்ணாமலையை தரிசிப்போம்..வாருங்கள்.  

http://www.arunachala-live.com/

காந்தியின் ராமனும், ராமாயண ராமனும்..!

சில நாட்களா கம்பராமாயணத்து மேல ஒரு ஈர்ப்பு.  கிடைக்கற நேரங்கள்ல இணையத்துல படிக்கத் தொடங்கினேன்.கொஞ்சம் படிச்சதுலயே அதுல இருக்குற சிலிர்ப்பூட்டும் உணர்வுகள் என்னை  ஆக்ரமிக்கத் தொடங்குச்சு.

குறிப்பா, அனுமன் முதன் முதலா ராமனை பார்த்த இடம்.

ராமா,ராமா

சுக்ரீவனைத் தேடி ராமனும், லட்சுமணனும் காட்டுக்குள்ள வந்துட்டு இருக்காங்க.

வில்லோட வர்ற இவங்க இரண்டுபேரையும் தூரத்துல இருந்தே பார்த்துட்டு தன்னோட அண்ணன் வாலிதான் தன்னை கொல்ல இவங்கள அனுப்பியிருக்கிறதா  நினைச்சு பயந்துபோன சுக்ரீவன் தலை தெறிக்க ஓடி ஒரு குகையில ஒளிஞ்சுக்கிட்டான்.

உடனே  தன்னோட அமைச்சரான அனுமனைப்பார்த்து
அவங்க யார்னு போய் தெரிஞ்சிட்டு வான்னு சொல்லி அனுப்புறான்.

அவங்க ரெண்டுபேரையும் தூரத்துல இருந்தே பார்த்து யோசிக்கிறான் அனுமன்.

ஆனா, அவங்களோ அங்க எங்கயாவது சீதை இருக்காளான்னு சுற்றும் முற்றும் பாத்துக்கிட்டே வர்றாங்க.

ராமனை சந்திக்க அவங்களுக்கு பக்கத்துல போறான் அனுமன்.

ராமனை நேருக்குநேரா பார்த்த நொடியில அனுமனோட மனசுக்குள்ள விவரிக்கமுடியாத உணர்ச்சிப்பெருக்கெடுக்குது.

ஒரு மனுஷன பார்த்த உடனே இப்படி மனசுக்குள்ள அன்பு சுரக்குமான்னு வியந்துபோறான் அனுமன்.

நாமகூட சிலரை பாக்கும்போதே அவங்களோட நட்பு வச்சிக்கணும்னு துடிப்போம்.

அதேமாதிரி சிலரை பாக்கும்போதே எரிச்சலடைவோம்.

அந்தமாதிரிதான் அனுமனுக்கும் ராமனை பார்த்ததுமே ஒரு வித்தியாசமான உணர்வு ஏற்பட்டது.

இந்த இடத்திலதான் எனக்கும் அப்படி ஒரு வித்தியாசமான உணர்வு ஏற்பட்டது.நான் அறியாமலேயே ராமாயணம் என்னை ஆட்கொண்ட இடமிது.

அடுத்ததா, ராம, ராம எனும் ராமநாமத்தை வானரங்கள் சொல்லச் சொல்ல சம்பாதிக்கு இறக்கை முளைக்கும் இடத்தில் நம் உடம்பிலும் ஒரு சன்னதம் ஏற்படுவதை மறுக்க முடியாது.

எத்தனையோ தமிழறிஞர்கள் கம்பராமாயணத்தில் இருந்தும் இன்னும்கூட பலப்பல நுட்பமான தருணங்களை கண்டு பிடிச்சிகிட்டேதான் இருக்காங்க.

அந்தக்காவியமும் ரசிகமனதிற்கு ஏற்ப காலம்காலமாக விரிஞ்சுகிட்டேதான் இருக்கு.

இப்படி ஒரு எல்லையில்லா காவியத்தோட நாயகன் எவ்வளவு அற்புதமானவன்.

அவனது ராமநாமம் எத்தகைய சிறப்புகளையும் நிகழ்த்த வல்லது

அதனாலதான் காந்தி எந்தநேரமும் ராமநாமத்தை சொல்லிட்டு இருந்திருக்கிறார்னு நெனச்சுகிட்டே இணையத்துல தேடிப் பார்த்தப்போதான் எனக்கு ஒரு பெரிய அதிர்ச்சி காத்திருந்தது.

'ஹே ராம்'

ராமரைப்பற்றி காந்தியின் ஸ்டேட்மெண்ட் இதுதான்,

 "என்னுடைய ராமன் வேறு, அயோத்தி ராமன் வேறு. என் ராமன் சீதையின் கணவனல்ல. தசரதன் மைந்தனல்ல. ராமாயணக்கதையில் வரும் ராமனை நான் பூஜிக்கவே மாட்டேன்"

இப்படி காந்தி சொல்லியிருப்பார்னு நான் கொஞ்சங்கூட எதிர்பார்க்கவேயில்ல. எனக்கு ரொம்பவே அதிர்ச்சியாயிருந்தது.

அப்படின்னா, காந்தி வணங்கின,அவரோட உயிருக்கு உயிரா மதிச்ச ராமன் யாரு?

இப்படி ஒரு சந்தேகம் எனக்கு வந்தது. இந்த  சந்தேகத்த யாரால தீர்க்கமுடியும்ன்னு யோசிச்ச உடனே எனக்கு எழுத்தாளர் ஜெயமோகன்தான் நினைவுக்கு வந்தாரு.

அவருக்கு எழுதினேன். உடனே, பதில் சொல்லியிருக்காரு.

(அந்தப்பதிவு காந்திராமன்)

அவரோட பதில் எனக்கு ஒரு புதிய திறப்பா அமைஞ்சிருக்கு.

இதுல இன்னும் நான் நிறையதூரம் பயணப்பட வேண்டியிருக்கு. 

இணையத்துல ராமாயண ராமனும், காந்தியின் ராமனும் என்பது குறித்து ஒரு பெரும் விவாதம் தேவையாயிருக்கு.

விபரம் அறிந்தவர்கள் இதை முன்னெடுத்து செய்யவேண்டும் என்பதுதான் என்னுடைய எதிர்பார்ப்பு.

ராம காதை குறித்து எழுத்தாளர் இந்திராபார்த்தசாரதி அவர்களும் விரிவான ஒரு கட்டுரையை எழுதியிருக்கிறார். (அந்தப்பதிவு Kamban’s golden touch)

தொல்பழங்குடி மக்களோட வாழ்வுல பலப்பல ஆண்டுகளாக வாய்வழிச்செய்தியா ராமரைப்பத்தின  பலவிதமான நிகழ்வுகள் பேசப்பட்டு வந்திருக்கு,

அந்தசம்பவங்களும், ராமனின் வாழ்க்கையும்  கி.மு 5ம் நூற்றாண்டுல் புத்த ஜாதகா கதைகள்(Buddha Jataka tales) என முதன்முதலா எழுத்துல உருவானது.

Jataka tales of Buddha 

அதில் புத்தர் ஞானம் அடைவதற்கு முந்தைய கவுதமனே  ராமனாக உருவகப்படுத்தப்படுகிறார்.

தனது வளர்ப்புத்தாயின் கோபத்தால தனது நாட்டை விட்டுட்டு இமயத்திற்கு ராமன் செல்வதாக இங்கு சொல்லப்படுகிறது.

நாட்டின் பலபகுதிகளிலும் பேசப்பட்ட ராமரைப்பற்றின பல சம்பவங்களை தொகுத்த வால்மீகி இதனை ராமாயணமாக உருவாக்கினார்.

வடக்கில் நேபாளத்தில் தொடங்கி தெற்கில் ஸ்ரீலங்காவரை ராமாயண களம் அமைஞ்சிருந்தது.

இந்தியாவின் கலாச்சார முகத்தை ராமாயணத்துல நிர்தட்சணமாக தரிசிக்க முடியும். அதனாலேயே வெவ்வேறு பகுதிகளை சேர்ந்தவர்களும் ராமாயணத்தை தங்கள் வாழ்க்கையோட  பொருத்திப்பார்த்து ரசிச்சாங்க.

ராமாயணத்தின் ஆன்மாவுல ஒளிர்ந்த உண்மைதான் அத காலம் கடந்தும் ஒரு மிகப்பெரும் காவியமா வளர்த்தெடுத்திருக்கு.

ஆன்மா இல்லாத எந்த எழுத்தும் காலம் கடந்து நிற்க முடியாது என்பது நிதர்சனமான உண்மை.